ಪ್ರಸವದ ನಂತರದ ಕ್ಷಣ ಸುಂದರವಾದುದು – ಕಾಜಲ್ ಅಗರ್ ವಾಲ್

ದಕ್ಷಿಣ ಭಾರತದ ಖ್ಯಾತ ನಟಿ ಕಾಜಲ್ ಅಗರವಾಲ್ ಮೊನ್ನೆ 19ಕ್ಕೆ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಕಾಜಲ್ ಅವರ ಪತಿ ಗೌತಮ್ ಕಿಚ್ಲು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಮಗುವಿನ ಹೆಸರನ್ನು ನೀಲ್ ಎಂಬುದಾಗಿ ಹಂಚಿಕೊಂಡಿದ್ದಾರೆ. ಮಗುವಿನ ಜನನದ ಕೆಲವು ದಿನಗಳ ನಂತರ ತನ್ನ ಹೊಸ ಪಯಣದ ಬಗ್ಗೆ ಬರೆದುಕೊಂಡಿದ್ದಾರೆ.

ಪ್ರಗ್ನೆನ್ಸಿ ಫೋಟೋ ಶೂಟ್ ನ ಫೋಟೋ ಹಂಚಿಕೊಂಡಿರುವ ಕಾಜಲ್ ” ನನ್ನ ಬೇಬಿ ನೀಲ್ ನ್ನು ಈ ಜಗತ್ತಿಗೆ ಸ್ವಾಗತಿಸಲು ಉತ್ಸುಕನಾಗಿದ್ದೇನೆ. ನಮ್ಮ ಮುದ್ದು ಕಂದನ ಜನನವು ಉಲ್ಲಾಸದಾಯಕವಾಗಿತ್ತು , ಅಗಾಧವಾಗಿತ್ತು, ದೀರ್ಘವಾಗಿತ್ತು. ತೃಪ್ತಿಕರವಾದ ಅನುಭವವಾಗಿತ್ತು. ಅವನು ಹುಟ್ಟಿದ ಕೆಲವೇ ಸೆಕೆಂಡುಗಳಲ್ಲಿ ಬಿಳಿ ಲೋಳೆಯ ಪೊರೆ ಹಾಗೂ ಪ್ಲೆಸೆಂಟಾದಿಂದ ಆವೃತವಾದ ಅವನನ್ನು ನನ್ನೆದೆಯ ಮೇಲೆ ನೀಲ್ ನ್ನು ಹಿಡಿದಿಟ್ಟುಕೊಳ್ಳುವುದು ವರ್ಣನಾತೀತ ಭಾವನೆಯೊಂದಿಗೆ ಪ್ರಯತ್ನಿಸಿದೆ.ಆ ಒಂದು ಕ್ಷಣವು ಪ್ರೀತಿಯ ಆ ಸಾಮರ್ಥ್ಯ ಅರ್ಥಮಾಡಿಕೊಂಡಿತು. ಅಪಾರವಾದ ಕೃತಜ್ಞತೆಯ ಭಾವನೆಯನ್ನು ಉಂಟು ಮಾಡಿತು. ಶಾಶ್ವತವಾಗಿ ಹಾಗೂ ಒಂದೇ ಸಮಯದಲ್ಲಿ ನನ್ನ ದೇಹದ ಹೊರಗೆ ನನ್ನ ಹೃದಯದ ಜವಾಬ್ದಾರಿಯನ್ನು ಅರಿತುಕೊಂಡಿತು” ಎಂದಿದ್ದಾರೆ.

ಪ್ರಸವದ ನಂತರದ ಕುರಿತು ಹೇಳಿರುವ ಕಾಜಲ್ ” ಸಹಜವಾಗಿ ಇದು ಸುಲಭವಲ್ಲ. ನಿದ್ದೆಯಿಲ್ಲದ 3 ರಾತ್ರಿಗಳು ಮುಂಜಾನೆ ರಕ್ತಸ್ರಾವವಾಗುತ್ತದೆ. ಮೆತ್ತಗಿನ ಹೊಟ್ಟೆ , ಹಿಗ್ಗಿದ ಚರ್ಮ, ಹೆಪ್ಪುಗಟ್ಟಿದ ಪ್ಯಾಡ್ ಗಳು , ಅನಿಶ್ಚಿತತೆ.. ಆದರೆ ಇದರಲ್ಲಿ ಕೆಲವು ಒಳ್ಳೆಯ ಕ್ಷಣಗಳು – ಮುಂಜಾನೆ ಮುದ್ದಾಡುವುದು , ಆತ್ಮವಿಶ್ವಾಸದ ಗುರುತಿಸುವಿಕೆ ಯೊಂದಿಗೆ ಪರಸ್ಪರರ ಕಣ್ಣುಗಳನ್ನು ನೋಡುವುದು , ಮುದ್ದಾದ ಚುಂಬನ, ನಾವಿಬ್ಬರೂ ಬೆಳೆಯುತ್ತಿರುವಾಗ, ಕಲಿಯುವ, ಒಬ್ಬರನೊಬ್ಬರು ಕಂಡುಕೊಳ್ಳುವ ಶಾಂತ ಕ್ಷಣಗಳು ಮತ್ತು ಈ ಅದ್ಭುತ ಪ್ರಯಾಣವನ್ನು ಒಟ್ಟಿಗೆ ಮಾಡಲಾಗುತ್ತದೆ. ವಾಸ್ತವದಲ್ಲಿ ಪ್ರಸವದ ನಂತರ ಮನಮೋಹಕ ಅಲ್ಲ. ಆದರೆ ಅದು ಖಂಡಿತ ಸುಂದರವಾಗಿರುತ್ತದೆ” ಎಂದಿದ್ದಾರೆ.

ಈ ಪೋಸ್ಟ್ ಗೆ ಸಮಂತಾ, ರಾಶಿ ಖನ್ನಾ , ಅನುಷ್ಕಾ ಶೆಟ್ಟಿ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ಕಮೆಂಟ್ ಮಾಡಿದ್ದಾರೆ.